1. Startsiden
  2. Om Medietilsynet
  3. Aktuelt

FM-sløkking i Trøndelag og Møre og Romsdal

I dag, 21. april, sløkker dei riksdekkande kommersielle kanalane og nokre lokalradioar sine FM-sendingar i Trøndelag og Møre og Romsdal.

Det digitale radioskiftet fortsetter med sløkking av FM-sendingane til dei kommersielle kanalane, og einskilde lokalradioar sine FM-sendingar i desse fylkane. Fleire lokalradioar kan fortsette å sende på FM.  


Er du klar?

Om du som bur i Trøndelag og Møre og Romsdal ønskjer å lytte til dei kommersielle kanalane etter 21. april, vil du trenge ei digital radioløysing. Du kan lytte til digitale radiosendingar via DAB+, appar, internett og tv. Hugs at radiolytting gjennom internett krev bruk av WiFi eller mobildata.

Mange butikkar og bilverkstader melder om stor pågang. Det kan derfor vere lurt å planleggje korleis du skal møte radioskiftet.

– Erfaringene fra Nordland viser at det kan lønne seg å ikke vente til siste liten med å planlegge for radioskiftet. Dersom alle som ønsker å få montert DAB-utstyr i bilen venter til slukkedatoen, kan det oppstå kø og ventetid.  

– I sommerhalvåret tilbringer mange helger og fridager på hytta, i båten eller i campingvogna. Husk at radioskiftet kan bli gjennomført tidligerere der du har fritidsbolig eller ferdes med båt, enn der du bor. Et godt tips er derfor å sjekke hvilke radioer du har på hytta eller i båten, slik at du kan planlegge hvordan du vil lytte på radio når radioskiftet er gjennomført. Ikke glem at de fleste lokalradioer fortsetter å sende på FM, seier Gudbrand Guthus, direktør for konsesjon og tilsyn i Medietilsynet.


Råd og hjelp

Om du lurer på når FM-nettet blir sløkt for dei riksdekkande radiokanalane der du bur, finn du ei fullstendig oversikt her.

Du kan også få ei oversikt over kva for kanalar som blir tilgjengelege der du bur på radio.no. Om du har spørsmål eller ønskjer informasjon om det digitale radioskiftet, kan du lese meir på Medietilsynets nettside om digitalradio. Her finn du mellom anna informasjon om dekning og mottak, kanalsøk, DAB+ i bil og gjenvinning av FM-radioar.

Du finn også nyttig informasjon om DAB på nrk.no/dab og radio.no.

Kontaktperson: Gudbrand Guthus