1. Startsiden
  2. Nyheter
  3. Nyhetssaker

Nyhetssaker

Mediabearráigeahčču lea juolludan 39 miljovnna doarjjan sámi aviissaide

Buot  aviissain mat ožžo doarjaga lea sámi álbmot váldoolahanjoavku, juoga mii lea eaktun oažžut buvttadandoarjaga. Govva: Berit Roald NTB

Dat njeallje aviissa Ávvir, Ságat, Snåsningen ja NordSalten Avis ožžot oktiibuot sullii 39 miljovnna ruvnno doarjjan 2022:s. – Doarjja dahká sámegiela čállingielaid eanet oainnusin. Dain aviissain lea dehálaš rolla sámi giellaovdáneamis, dadjá Hanne Nistad Sekkelsten, Mediabearráigeahču juridihkalaš ja regulatoralaš ossodaga jođiheaddji.

Beaiveaviissaide Ávvir ja Ságat addojuvvonubbái 20,3 miljovnna ruvnno ja nubbái fas 17,2 miljovnna ruvnno buvttadandoarjjan. Ávvir almmuhuvvo davvisámegillii, ja Ságat čállá fas eanaš girjedárogillii. Aviissain lea sámi álbmot váldoolahanjoavku, juoga mii lea eaktun oažžut buvttadandoarjaga. Snåsningen oažžu 696 089 ruvnno čálusosiid ovddas lullisámegillii, ja NordSalten Avis oažžu 870 111 ruvnno čálusosiid ovddas julevsámegillii.

– Lea sajáiduvvan politihkka ja hálddašandáhpi ahte sáhttá rehkenastit aviissaid sámegielalažžan ja oažžut doarjaga ortnega olis, vaikko čálletge dárogillii. Dat lea earret eará ákkastuvvon dainna ahte stuora oasit sámi álbmogis eai máhte lohkat sámegiela, lohká Sekkelsten.

Kronstadposten ja NordSalten Avis ohcamušat biehttaluvvojit.

Maiddái dán jagi ohcá Kronstadposten doarjaga davvisámegillii . NordSalten Avis ohcá buvttadandoarjaga, lassin dasa ahte aviisa juo oažžu doarjaga čálusosiide lullisámegillii. Mediabearráigeahčču lea, nugo diibmá, konkluderen biehttalit goappašagaid.

Kronstadposten ohcamuš biehttaluvvon dan geažil go doarjjaortnet ii atte doarjaga davvisámi aviisasiidduide, dušše aviisasiidduide julev- ja lullisámegillii. NordSalten Avis ohcamuš biehttaluvvo danne go Mediabearráigeahčču oaivvilda aviissas ii leat sámi álbmot váldoolahusjoavku.

Mediabearráigeahčču biehttalii NordSalten Avis ohcamuša oažžut buvttadandoarjaga diibmá. NordSalten Avis váiddii biehttaleami, ja Mediaváiddalávdegoddi lea dál gieđahallan váidaga. Mediaváiddalávdegoddi gávnnahii ahte aviissas ii leat sámi álbmot váldoolahusjoavku, ja hilggui váidaga.

  Abonner på nyheter (RSS)