1. Startsiden
  2. Nyheter
  3. Nyheitsarkiv
  4. Aktuelt 2019

Nytt fra Medietilsynet

Morgenbladet får auka støtte

Endring av aviskategori gir utslag for Morgenbladet, som no får omtrent dobbelt så mykje stønad som i fjor. Foto Medietilsynet
Endring av aviskategori gir utslag for Morgenbladet, som no får omtrent dobbelt så mykje stønad som i fjor. Foto Medietilsynet

Morgenbladet doblar støttenivået når Medietilsynet no har konkludert med at avisa fyller krava i ein annan kategori enn tidlegare. I tillegg har Medietilsynet avgjort at avisa Midsundingen kvalifiserer til å motta støtte.

Morgenbladet er ei riksdekkande, meiningsberande avis, og har sidan 2016 motteke stønad som nasjonalt vekemedium etter forskrift om produksjonstilskott. I 2018 utvida avisa sitt tilbod til abonnentane ved å publisere ei digital utgåve i veka, i tillegg til papiravisa kvar veke.

Morgenbladet doblar stønaden

– Med bakgrunn i endringane søkte Morgenbladet om å få tilskott etter ei anna aviskategori enn tidlegare. Medietilsynet har vurdert at avisa innfrir dei krava som blir stilte i forskrifta, og har derfor innvilga Morgenbladets søknad, seier Mari Velsand, direktør i Medietilsynet.
Kor mykje Morgenbladet får i produksjonstilskott blir ikkje klart før vedtak for alle avisene som er inne i ordninga er gjort. – Likevel kan vi allereie no seie at endringa i aviskategori gjer at Morgenbladet får omtrent dobbelt så mykje i støtte i år som i fjor, seier Velsand.

Heile løyvinga blir klar i starten av november

Avisa Midsundingen søkte om støtte tidlegare i år, og har ikkje motteke produksjonstilskott tidlegare. Avisa blei etablert i juli i 2017, og dekker øykommunen Midsund ytst i Moldefjorden. Avisa har fått godkjent eit opplag på 1 109 for 2018. Medietilsynet har vurdert at Midsundingen fyller krava for å motta produksjonstilskott.

Morgonbladet og Midsundingen mottek berekning av tilskott og får utbetalinga samtidig som dei andre avisene som er i ordningane første halvdel av november. Før det skjer skal det også avklarast om dei andre nye søkarane, Nett.no. og Dagbladet pluss, kvalifiserer til å motta tilskott.

– Vi jobbar no for fullt med desse vurderingane, seier Velsand.

Produksjonstilskott er ei støtteordning retta mot medium i marknader som er for små til å vere berekraftige og som alternativ til dei leiande media i større marknader. Ordninga skal bidra til eit mangfald av nyheits- og aktualitetsmedium over heile landet. Støtteordninga er plattformnøytral, og likestiller papir- og nettaviser.

For pressespørsmål, ta kontakt med Nina Bjerke