Sámi ođas- ja áigeguovdilisáššiidmediat ožžot 46 miljovnna ruvnno doarjjan

Doarjagat lea addon ođasmediaide main lea sámi álbmot váldoolahanjoavku, ja mat fásta ja jeavddalaččat almmuhit sámegielat ođđasiid ja áigeguovdilis áššiid.

Doarjjaortnet galgá váikkuhit máŋggabealat sámi ođas- ja áigeguovdilisáššiidmediaid sihkkarastimii digitála mediaárgabeaivvis. 

- Ortnet galgá movttiidahttit buvttadit iešheanalaš ja máŋggabealálaš journalistihka mii lea erenoamážit sámi álbmoga várás, ja váikkuhit sámi čállingielaid čalmmustahttimii, bisuheapmái ja ovddideapmái, dadjá juridihkalaš ja reguláhtoralaš ossodaga direktevra Hanne Sekkelsten. 

Ođđa láhkanjuolggadus

Ođđa láhkanjuolggadus mii bođii fápmui ođđajagimánu 1. beaivvi regulere ortnega. Ođđa láhkaásahusain lea ortnet šaddan vuođđovuogádatneutrálan, ja dainna lágiin lea buorebut heivehuvvon digitála árgabeaivái. Ovdal ledje dušše báberaviissaid mat sáhtte oažžut doarjaga ortnegis.

Obbalaš juolludus juhkkojuvvo buvttadandoarjjan ja doarjjan sámegielat áššiide nugo ovdal, muhto 2026 rájes juhkkojuvvo buvttadandoarjja «vuollekategoriijaide» dávjá almmustuvvi ja hárve almmustuvvi mediat. 

– Dát rievdadus buorida doarjaga deaivilvuođa go earuha beaiveaviissaid ja vahkkoaviissaid, lohká Sekkelsten.

NordSalten Avis lea ovdal ožžon doarjaga áššiide mat leat sámegillii, muhto oažžu 2026:s buvttadandoarjaga vuosttaš geardde hárve almmustuvvi sámi median. Ávvir ja Ságat, geat leat ožžon buvttadandoarjaga sámi median ollu jagiid, ožžot doarjaga dávjá almmustuvvi median 2026:s. 

Addin dihte insentiivva eanet áššiide sámegillii, lea ođđa njuolggadus rahpan doarjaga eanet sámegielaide go leat leamaš mielde ovdal. 2026 ovddas ožžot Meråkerposten ja Snåsningen doarjaga áššiide lullisámegillii. 

Vulobealde lea bajilgovva juolluduvvon doarjjaruđain sámi ođas- ja áigeguovdilisáššiidmediaide 2026:s:

  Abonner på nyheter (RSS)