Mediestøtte

Produksjonstilskott

Formålet med ordninga er å legge til rette for ein brei samfunnsdebatt, og å halde befolkninga breitt og generelt orientert om ulike samfunnsspørsmål.

Søknadsfrist: 19. mars 2026

Produksjonstilskottet er den største av dei direkte mediestøtteordningane, og er eit av verkemidla staten har for å fremme mediemangfald.

Produksjonstilskottet skal bidra til eit mangfald av lokale nyheits- og aktualitetsmedium over heile landet. Alle nyheits- og aktualitetsmedium på papir og nett, med unntak av kringkastarar, kan søke.

Ordninga er særleg retta mot medium i marknader som er for små til å vere berekraftige og medium som er alternativ til dei leiande media i større marknader. Produksjonstilskottet skal korrigere for marknadssvikt for mindre medium og nummer to-medium i slike marknader.

Produksjonstilskottet blei fordelt for første gong i 1969. Ordninga er plattformnøytral, og likestiller papir- og nettaviser.

Tilskot etter denne forskrifta blir gitt til nyheits- og aktualitetsmedium som:

har som hovudformål å drive løpande journalistisk produksjon og formidling av nyheiter, aktualitetsstoff og samfunnsdebatt til allmenta
har nyheiter, aktualitetsstoff og samfunnsdebatt som utgjer majoriteten av det samla redaksjonelle innhaldet til mediet gjennom eit kalenderår
har ei brei samansetning av ulike sjangrar og tematisk innhald frå ulike samfunnsområde
er redaksjonelt sjølvstendig
har ein ansvarleg redaktør, jf. medieansvarslova § 3 første ledd bokstav a, med ansvar og fridom i tråd med denne lova og som har slutta seg til allment aksepterte presseetiske standardar.
tar reell betaling for nyheits-, aktualitets- og debattstoff og annonsar etter ein offentleg tilgjengeleg prisliste
har berekna laussal som utgjer mindre enn halvparten av berekna abonnementstal
publiserer minst fem eigenproduserte redaksjonelle saker per veke i minimum 48 av årets veker
publiserer minst 480 eigenproduserte redaksjonelle saker per år
har minst 700 i abonnementstal

Tilskot etter denne forskrifta blir gitt til nyheits- og aktualitetsmedium som:

Tilskott kan bli gitt til nisjemedium som har eit breitt innhald om politikk, økonomi eller samfunnsliv, men er smalare i innhaldsprofilen sin enn andre nyheits- og aktualitetsmedium.

Vilkåra ovanfor må ha vere oppfylt i minst eitt kalenderår før tilskott kan bli gitt.

I tillegg til overnemnde vilkår knytte til kva medium som kan søke om tilskott, er det også ei rekke andre føresegner som må innfriast for å få godkjent søknad. Alle gjeldande vilkår er å lese i forskrift om produksjonstilskott til nyheits- og aktualitetsmedium.

Søknadsfrist for årets tilskott er 19. mars 2026

Søkarar som ikkje har fått produksjonstilskott tidlegare, blir bedne førehandsvarsle om interessa si til Medietilsynet på produksjonstilskudd@medietilsynet.no så fort som mogleg og seinast innan 10. Februar 2026 for å kunne starte arbeidet med å vurdere om mediet er kvalifisert for støtte.

Søknad skjer via digitalt skjema på Min side:

Endeleg vedtak om produksjonstilskott blir offentleggjort i oktober.

Regelverk/retningslinjer for ordninga:

Om søknadsprosessen:

Øvrige nyttige lenke: