Mediestøtte

Produksjonstilskott

Formålet med ordninga er å legge til rette for ein brei samfunnsdebatt, og å halde befolkninga breitt og generelt orientert om ulike samfunnsspørsmål.

Du kan søke støtte kvart år. Årets søknadsfrist har gått ut.

Forskrift om produksjonstilskot til nyheits- og aktualitetsmedium vart revidert av Kultur- og likestillingsdepartementet 30. august 2024. Revidert forskrift vil derfor gjelde for årets tildeling av produksjonstilskot.

Det er gjort fleire endringar, mellom anna auka tilskot til aviser på Svalbard og prisvekst-regulering av støttetak. Aviser på Svalbard blir nå likestilte med nordnorske aviser, noko som betyr at dei får dobbelt grunntilskot. Endringa får noko å seie for Svalbardposten. Vidare blir det ikkje lenger eit krav at avisene må komme ut på papir for å få støtte. Det øvre taket for tilskot til nasjonale nummer-to-medium har blitt justert frå 40 til 45 millionar kroner på grunn av prisveksten. Taket for nasjonale nisjemedium blir justert frå 15 til 17 millionar kroner. Departementet har også gjort prisjusteringar i reglane for avkorting av tilskot. Vidare, for å sikre at tilskotsmottakarar har redaktørar som følger god presseskikk, er det gjort ei endring i forskrifta om kva krav som skal stillast til redaktøren. Det følger av den nye føresegna at redaktøren må ha slutta seg til «allment aksepterte presseetiske standardar», som kjem fram av Redaktørplakaten og Ver varsam-plakaten. Det blir også gjort endringar for å tilpasse regelverket etter endringane som vart gjorde i fylkesinndelingar i 2024.

Klikk her for informasjon om dei viktigaste endringane i forskrifta frå 2022.

Produksjonstilskottet er den største av dei direkte mediestøtteordningane, og er eit av verkemidla staten har for å fremme mediemangfald.

Produksjonstilskottet skal bidra til eit mangfald av lokale nyheits- og aktualitetsmedium over heile landet. Alle nyheits- og aktualitetsmedium på papir og nett, med unntak av kringkastarar, kan søke.

Ordninga er særleg retta mot medium i marknader som er for små til å vere berekraftige og medium som er alternativ til dei leiande media i større marknader. Produksjonstilskottet skal korrigere for marknadssvikt for mindre medium og nummer to-medium i slike marknader.

Produksjonstilskottet blei fordelt for første gong i 1969. Ordninga er plattformnøytral, og likestiller papir- og nettaviser.

Tilskot etter denne forskrifta blir gitt til nyheits- og aktualitetsmedium som:

har som hovudformål å drive løpande journalistisk produksjon og formidling av nyheiter, aktualitetsstoff og samfunnsdebatt til allmenta
har nyheiter, aktualitetsstoff og samfunnsdebatt som utgjer majoriteten av det samla redaksjonelle innhaldet til mediet gjennom eit kalenderår
har ei brei samansetning av ulike sjangrar og tematisk innhald frå ulike samfunnsområde
er redaksjonelt sjølvstendig
har ein ansvarleg redaktør, jf. medieansvarslova § 3 første ledd bokstav a, med ansvar og fridom i tråd med denne lova og som har slutta seg til allment aksepterte presseetiske standardar.
tar reell betaling for nyheits-, aktualitets- og debattstoff og annonsar etter ein offentleg tilgjengeleg prisliste
har berekna laussal som utgjer mindre enn halvparten av berekna abonnementstal
publiserer minst fem eigenproduserte redaksjonelle saker per veke i minimum 48 av årets veker
publiserer minst 480 eigenproduserte redaksjonelle saker per år
har minst 700 i abonnementstal

Tilskott kan bli gitt til nisjemedium som har eit breitt innhald om politikk, økonomi eller samfunnsliv, men er smalare i innhaldsprofilen sin enn andre nyheits- og aktualitetsmedium.

Vilkåra ovanfor må ha vere oppfylt i minst eitt kalenderår før tilskott kan bli gitt.

For å få produksjonstilskott må ei rekke vilkår vere innfridde. Du finn alle desse i forskrift om produksjonstilskott

Regelverk/retningslinjer for ordninga:

Om søknadsprosessen:

Øvrige nyttige lenke:

For spørsmål, ta kontakt på produksjonstilskudd@medietilsynet.no

Du kan søke støtte kvart år. Årets søknadsfrist har gått ut. Søkere som ikke har fått produksjonstilskudd tidligere, må melde fra til Medietilsynet på produksjonstilskudd@medietilsynet.no innen 1. mars for å kunne starte arbeidet med å vurdere om mediet er kvalifisert for støtte.

Søknad skjer via digitalt skjema på Min side.

Behandlingsperioden er april til oktober/november årleg. Løyving blir offentleggjord når behandlinga er ferdig.